Angalanermut sillimmasiissutit

Sillimmasiissut pillugu

Sulininnut imaluunniit ilinniarninnut atatillugu Namminersorlutik Oqartussat sinnerlugit angalaguit, ataatsimoorussamik angalanermut sillimmasiissutitsinnut ilaassaatit. Sulinngiffeqarnermi akiliunneqarluni angalanerni, Namminersorlutik Oqartussat sulisunut qanigisaannullu akiliussivigisaanni taamaallaat Kalaallit Nunaanniit Danmarkimut utimullu timmisartumik angalanerit matussuserneqartarput, taakkununngalu angerlarsimaffimmiit mittarfimmut utimullu angallanneqarnerit ilaatinneqarput.

Aamma sillimmasiissummi Namminersorlutik Oqartussani atorfininnermut soraarnermullu atatillugu timmisartumik angalanerit matussuserneqartarput.

Taamaattumik namminneerlutik angalanerminnut akiliisimasunik angalaqateqaruit, taakku angalanermut eqqortumik sillimmasiinissartik namminneerlutik isumagissavaat.

Angalanermut sillimmasiissutip illit nassatatillu matussusissavai.

Sillimmasiissut Namminersorlutik Oqartussani sulisut aamma ilinniartut angallannerannut, siusinnerusukkullu sillimmasiissutit marlunnut agguataarsimasunut atuuppoq.

Nutaatut, angalanermi ajutoornerit soorlu toqusoqartillugu innarluuteqartoqartoqartilluguluunniit sillimmasiinermut ilanngunneqarnikuupput.

Pinasuartumik SAR-imiluunniit suliaqarnermut atatillugu, timmisartumik napparsimasunik angallassissummik angallassisoqartillugu sulisut pinasuartumik angallanneqartariaqalerpata, sillimmasiissut atuuppoq.

Sillimmasiissummit nalinginnaasumik matussuserneqartarput:

Nunanut allanut – Kalaallit Nunaata avataanut – angalanerni ajoqusernerit nalinginnaasumik matussuserneqartartut:

• Napparsimaneq angerlamullu assartorneqarneq
• Ajutoornissamut sillimmasiissut saassutsinnerlu
• Nassatanut sillimmasiissut, 40.000 kr. aamma kinguaattoornernut, 5.000 kr.
• Namminerisamik akisussaaffeqarnermut sillimmasiissut, inunnik ajoqusiinermut 10 mio. kr. aamma pigisanik ajoqusiinermut 10 mio. kr.
• Angerlaqqusaaneq, killeqanngilaq
• Kinguaattoorluni takkunnermut – akiusoq killeqanngilaq
• Tassanngaannartumik ajornartoornermi ikiorserneqarneq, akiusoq killeqanngilaq
• Ingiallortaaneq aggersagaanerlu - killeqanngilaq
• Innarluuteqartoqartillugu toqusoqartillugulu angalanermi ajunaarneq 1,5 millionit koruunit
• Toqqissisimanissamut sillimmat
• Saassutsinneq – 1 mio. kr.

Nunap iluani – Kalaallit Nunaanni – ajoqusernerit nalinginnaasumik matussuserneqartartut:

• Nassatanut sillimmasiissut, 40.000 kr.-it tikillugit
• Nassatat kinguaattoornerinut, 5.000 kr.-it tikillugit
• Ajutoornissamut sillimmasiissut saassutsinnerlu
• Tassanngaannartumik ajornartoornermi ikiorserneqarneq
• Innarluuteqartoqartillugu toqusoqartillugulu angalanermi ajunaarneq 1,5 millionit koruunit
• Toqqissisimanissamut sillimmat
• Saassutsinneq – 1 mio. kr.

Sillimmasiissummit matussuserneqartanngillat:

• Napparsimanermut, aallarnissaq sioqqullugu paasineqartumut angalanermilu ajorseriartumut aningaasartuutit tamarmik
• Sulinngiffeqarluni angalanerinnarmut atatillugu ajoqusernerit. Tassalu assersuutigalugu sulinermut atanngitsumut imaluunniit suliffimmut atatillugu sulinngiffeqarnermullu atatillugu akuleriisinnagit Danmarkimi angalatillutit ajoquseruit, angerlamut assartorneqarnerit matussuserneqassanngilaq
• Taamaatitsinissamut sillimmasiissut taamatullu qanigisamik toqusoqartillugu napparsimaruluttoqartillugu inniminniinermik taamaatitsinerit ilaatinneqanngillat
• Nammineq pisuussutigisamik aalakoornermi ajoqusernerit
• Inuussutissarsiutigalugu aqqartartutut sulinerit
• Angallatini imarsiutini nuannaariutinilu inuttat
• Illoqarfik qimallugu sanaartorfiunngitsuni Ilisimasassarsiornerit
• Qaqqasiorneq
• Biilinik attartornermi nammineerluni akiligassat

Ajoqusiinermik imaaliorlutit nalunaaruteqassaatit:

Nalunaaruteqarneq toqqaannaq Europæiske-mut pisarpoq.

Sillimmasiinermut kortit nammineerlutit anillatsissinnaavat imaluunniit app-eq aasinnaavat. Qanoq iliussanerlutit ilitsersuummi ataaniittumi takusinnaavat.

• Anmeldelse foretages online via Søg | Europæiske ERV (europaeiske.dk).
• Tassanngaannartumik ikiorneqarnissamik pisariaqartitsiguit uunga attaveqassaatit, Europæiske ERV Alarm oqarasuaammut +45 70 10 90 30 – nammineq sillimmasiissutit atorlugu.
• Sulisup app-eq mobiilimini aasimaguniuk taanna atorlugu nalunaaruteqarneq toqqaannaq pisinnaavoq.
• Napparsimasoqartillugu, ajutoortoqarsimatillugu ajoqusertoqarsimatillugulu, immersugassaq immersorneqassaaq uungalu kakkiunneqassalluni erhverv-skade@erv.dk uuminnga police normulerlugu, police nr. 50067523.
• Nassatat tammarnerini, tillinniarfigitinnermi ajoqusiisoqarneranilu immersugassaq immersorneqassaaq ajoqusernermut nalunaarummut kakkiunneqassaaq uuminngalu police normulerlugu nassiunneqassalluni erhverv-skade@erv.dk police nr. 50067523.

• Siunnersorneqarnissamik pisariaqartitsiguit Marsh attavigiuk: nanoq@howdendanmark.dk

Matussusiisinnaaneq akillu pillugit annertunerusumik paasisaqarusunnermi Howden nanoq@howdendanmark.dk aqqutigalugu attaveqarfigineqassaaq.