Angalanermut sillimmasiissutit

Angalanermut sillimmasiissutit

 

Sillimmasiisoq

Namminersorlutik Oqartussat

Sillimmaserneqartoq

Inuk (-it), suliffeqarfiup soqutigisai isumaginiarlugit aamma/imaluunniit tassanngaanniit akiliunneqarluni (-tik) angalasoq (-sut).

Nunami sumiiffiit

  • Nunarsuaq tamakkerlugu, nunami najugarisami angalanerit ilanngullugit (taamaattorli sillimmasiissummit killilimmik matussuserneqartussat)
  • Kalaallit Nunaanni angalanerit – taanna illoqarfimmi aqqusernit aalajangersimasut avataanni angalanernut atuuppoq
  • Nunami angalanernut allanut tunngatillugu najukkamiit/suliffeqarfimmiit angallavik 50 km-it sinnerlugit isorartussuseqassaaq unnuinertaqassallunilu

Sillimmasiissutip matussusiiffia/akia

Kalaallit Nunaanni (nunami angalanerit) aamma Kalaallit Nunaata avataani (nunanut allanut angalanerit sillimmasiissummit matussuserneqarsinnaaneri annertuunik assigiinngissuteqarput – inussiarnersumik matuma kinguliani allassimasut takukkit

Sillimmasiissutip normua

SP1367735 (If)


Sillimmasiissut pillugu

Sulininnut imaluunniit ilinniarninnut atatillugu Namminersorlutik Oqartussat sinnerlugit angalaguit, ataatsimoorussamik angalanermut sillimmasiissutitsinnut ilaassaatit. Sulinngiffeqarnermi akiliunneqarluni angalanerni, Namminersorlutik Oqartussat sulisunut qanigisaannullu akiliussivigisaanni taamaallaat Kalaallit Nunaanniit Danmarkimut utimullu timmisartumik angalanerit matussuserneqartarput, taakkununngalu angerlarsimaffimmiit mittarfimmut utimullu angallanneqarnerit ilaatinneqarput.

Aamma sillimmasiissummi Namminersorlutik Oqartussani atorfininnermut soraarnermullu atatillugu timmisartumik angalanerit matussuserneqartarput.

Taamaattumik namminneerlutik angalanerminnut akiliisimasunik angalaqateqaruit, taakku angalanermut eqqortumik sillimmasiinissartik namminneerlutik isumagissavaat.

Angalanermut sillimmasiissummi illit nassatatillu matussuserneqarsinnaapput. Taamaattorli maluginiassavat, matussusiisinnaanerit assigiinngimmata, tamatumani Kalaallit Nunaanni nunanulluunniit allanut angalanerit apeqqutaallutik – taakkununngalu Danmarkimut uterlugulu angalanerit ilaatinneqarput.


Sillimmasiissummit nalinginnaasumik matussuserneqartarput:

Nunanut allanut – Kalaallit Nunaata avataanut – angalanerni ajoqusernerit nalinginnaasumik matussuserneqartartut:                  

  • Napparsimaneq angerlamullu assartorneqarneq
  • Ajutoornernut sillimmasiissut saassutsinnerlu
  • Nassatanut sillimmasiissut, 40.000 kr. aamma kinguaattoornernut, 3.000 kr.
  • Namminerisamik akisussaaffeqarnermut sillimmasiissut, inunnik ajoqusiinermut 10 mio. kr. aamma pigisanik ajoqusiinermut 5 mio. kr. 
  • Angerlaqqusaaneq, killeqanngilaq
  • Assartuussinermi kinguaattoornerit, ajoqusernermut ataatsimut kr. 1.000-it
  • Kinguaattoorluni takkunnermut – akiusoq killeqanngilaq
  • Ujaasineq annaassiniarnerlu – akiusoq killeqanngilaq
  • Tassanngaannartumik ajornartoornermi ikiorserneqarneq, akiusoq killeqanngilaq

Nunap iluani – Kalaallit Nunaanni – ajoqusernerit nalinginnaasumik matussuserneqartartut:

  • Nassatanut sillimmasiissut, 40.000 kr.-it tikillugit
  • Nassatat kinguaattoornerinut, 3.000 kr.-it tikillugit
  • Ajutoornissamut sillimmasiissut saassutsinnerlu
  • Tassanngaannartumik ajornartoornermi ikiorserneqarneq


Sillimmasiissummit matussuserneqartanngillat: 

  • Napparsimanermut, aallarnissaq sioqqullugu paasineqartumut angalanermilu ajorseriartumut aningaasartuutit tamarmik
  • Sulinngiffeqarluni angalanerinnarmut atatillugu ajoqusernerit. Tassalu assersuutigalugu sulinermut atanngitsumut imaluunniit suliffimmut atatillugu sulinngiffeqarnermullu atatillugu akuleriisinnagit Danmarkimi angalatillutit ajoquseruit, angerlamut assartorneqarnerit matussuserneqassanngilaq.
  • Taamaatitsinissamut sillimmasiissut taamatullu qanigisamik toqusoqartillugu napparsimaruluttoqartillugu inniminniinermik taamaatitsinerit ilaatinneqanngillat.
  • Nammineq pisuussutigisamik aalakoornermi ajoqusernerit
  • Inuussutissarsiutigalugu aqqartartutut sulinerit
  • Angallatini imarsiutini nuannaariutinilu inuttat
  • Ilisimasassarsiornerit
  • Biilinik attartornermi nammineerluni akiligassat


Ajoqusiinermik imaaliorlutit nalunaaruteqassaatit:

  • Marsh-ip ajoqusiinernut nalunaaruteqartarfia Insubiz, link: https://xnet.insubiz.dk, aqqutigalugu nalunaaruteqartoqassaaq
  • Napparsimanermi, ajutoornermi ajoqusernermilu immersugassaq, Insubiz-imi ajoqusernermut nalunaarummut ilanngunneqartoq immersorneqassaaq
  • Nassatat tammarnerini, tillinniarfigitinnermi ajoqusiisoqarneranilu immersugassaq, Insubiz-imi ajoqusernermut nalunaarummut ilanngunneqartoq immersorneqassaaq
  • Nassatat kinguaattoornerini immersugassaq, Insubiz-imi ajoqusernermut nalunaarummut ilanngunneqartoq immersorneqassaaq
  • Angalanermi kinguaattoornermi aamma inortuilluni takkunnermi immersugassaq, Insubiz-imi ajoqusernermut nalunaarummut ilanngunneqartoq immersorneqassaaq
  • Insubiz-imik atuisutut nalunaarsorsimanngikkuit mail-imik nanoq@marsh.com aqqutigalugu, paasissutissanik ukuninnga imalimmik nassiusseqquneqarputit: Naalakkersuisoqarfik, ateq aamma mailadresse. Tamatuma kingorna nalunaaruteqartarfimmut ikkunneqassaatit isissutissannillu nassinneqassallutit.
  • Ilitsersorneqarnissaq kissaatigineqarpat, Marsh tlf.: +45 4595 4626-mut imaluunniit mail nanoq@marsh.com aqqutigalugu attaveqarfigineqassaaq


Sillimmasiissummut tapiliussat

Matussusiisinnaaneq akillu Asiaq-mut, Nukissiorfinnut aamma Pinngortitaleriffimmut iluarsineqarput.

Sillimmasiissutit:

Matussusiisinnaaneq akillu pillugit annertunerusumik paasisaqarusunnermi Marsh nanoq@marsh.com aqqutigalugu attaveqarfigineqassaaq.


Angalanissamut siunnersuutit

Police immersugassallu

Ajoqusernermut nalunaaruteqarnermi immersugassaq – nassatat kinguaattoorneri

Ajoqusernermut nalunaaruteqarnermi immersugassaq – angalanermi kinguaattoornermi aamma kinguaattoorluni tikinnermi

Ajoqusernermut nalunaaruteqarnermi immersugassaq – napparsimanermi ajoqusernermiluunniit

Ajoqusernermut nalunaaruteqarnermi immersugassaq – nassatat tammarnerini, tillinneqarnerini ajoquserneqarnerinilu

Rejsekort SP1367735 nammineq naqitassaq

Rejsekort SP2551644 nammineq naqitassaq

Angalanermut sillimmasiissut nr. SP 1367735 - Sulisut

Atuuttoq piffissami 2021

Angalanermut sillimmasiissut nr. SP2551644 - Ilinniartut

Atuuttoq piffissami 2021

Angalanermut sillimmasiissummut tapiliussaq – Asiaq

Angalanermut sillimmasiissummut tapiliussaq – Asiaq, 1.1.2021-miit

Angalanermut sillimmasiissummut tapiliussaq – Pinngortitaleriffik

Angalanermut sillimmasiissummut tapiliussaq – Pinngortitaleriffik, 1.1.2021-miit

Angalanermut sillimmasiissummut tapiliussaq – Nukissiorfiit

Angalanermut sillimmasiissummut tapiliussaq – Nukissiorfiit, 1.1.2021-miit

Denne hjemmeside anvender cookies til at sikre, at du får den bedste oplevelse på siden. Læs mere her

Ok