Ataatsimoorussamik ajutoornissamut sillimmasiissutit

Sillimmasiissut pillugu

Ataatsimoorussamik ajutoornissamut sillimmasiissut ajutoornissamut sillimmasiissutaavoq, Namminersorlutik Oqartussani sulisut ilaannut matussutaasussaq. Sillimmatinut allanut sanilliulluni inuk ajutoornissamut sillimmatinik tamanik atuiniarluni toqqaasinnaavoq. Kisiannili ataatsimoorussamik ajutoornissamut sillimmasiissut annertuumik atuuffeqartillugu, pissutsinik illit kinaassutsillu eqqarsaatigalugit naleqqunnerusunik nammineerlutit ajutoornissamut sillimmasiisinnaavutit. Taamaattumik ataatsimoorussamik ajutoornissamut sillimmasiissut illit nammineerlutit sillimmasiissutinnut taartiginngikkaluarlugu tapertatut isigineqarsinnaavoq.

Sulitilluni ajutoorneq pisimappat, aamma ajoqusernerup sulitilluni ajutoornissamut sillimmasiiffimmut nalunaarutigineqarnissaa eqqaamaneqassaaq.

Sillimmasiissummit nalinginnaasumik matussuserneqartarput:

• Ajutoortoqarnera inuit ajoquserfigisaanik tassanngaannartumik pisoqarneratut paasineqassaaq. Soorlu:
• Ipineq
• Ipineq kiisalu qerutsiternerup, kiammik inuuserlernerup, seqinermiullu iluaallernerup imaluunniit kuliltemik sunnerneqarnerup kingunerisaanik timikkut ajoquserneq
• Nakorsartinneq
• Nakorsartinnerup ajoqusernermi pisariaqalersup, kisiannili sillimmassiissummit matussuserneqartup kinguneri.
• Ajornartoornermi unioqqutitsineq/Ajornartoornermi pinngitsoortitsineq
• Iliuuserisaq isumannaatsutut isigineqarsinnaappat, inummik pigisamilluunniit ajoqusiinissaq pinngitsoortinniarlugu iliuuserineqartunut atatillugu ajutoorneq
• Ilisimajunnaarneq/inuummarlulerneq
• Ajutoorneq, inuummarlunneq inuuserlernerluunniit pingaarnertut peqqutaasimappat – tassalu sivikitsumik ilisimajunnaarneq – tamatumani nappaat, napparsimaneq ajoqulluunniit alla peqqutaasimanngippat.

Sillimmasiissummit matussuserneqartanngillat: 

• Napparsimaneq
• Napparsimaneq imaluunniit nappaatip qaangerneqarsinnaanngitsup sunniuteqarnera, napparsimanerluunniit ajutoornerup kingunerisaanik pilersimappat ajorseriarsimappalluunniit.
• Tuniluunneq
• Nerisassat, imeruersaatit, imigassat nakorsaatilluunniit toqunartuinik napparsimalerneq, soorlu salmonella
• Nukersorpallaarneq, nungullarneq ulluinnarniluunniit aalaatsit nalinginnaasut
• Nukersorpallaarnerup kingunerisaanik tassanngaannanngitsumik timikkut ajoquteqalerneq
• Ajutoornermi timimi avatit ajoqusertut saniatigut avatinik allanik nukersortitsivallaarnerup kingunerisaanik ippigusuuteqalerneq
• Sullernit kapisineri
• Ajutoornerit, ajutoornerup nalaani sillimmasiiffigineqartup nammineerluni toqqaannartumik timikkut ajoqusernissamut ulorianartorsiorfiginngisaasa kingunerisaannik tarnikkut artorsaateqarnerit
• Motorcykelinik, scooterinik imaluunniit 45-knallertinik sillimmasiiffigineqartup aquttuuffigisaanik ilaasuuffigisaanilluunniit, aammalu aquttup biilinik ingerlatsinissamut uppernarsaammik inatsisitigut piumasarisaasumik peqarani ingerlatsiffigisaanik ajutoornerup kingunerisai
• Motorcykelinik, scooterinik, 45-knallertinik imaluunniit knallertinik, aalajangeqqasumik niaqorornaveeqquteqannginnermi niaqqukkut ajoqusernerit kingunerisai
• Sillimmasiiffigineqartup piaaraluni imaluunniit annertuumik mianersuaalliorluni pilersitai
• Nammineq pisuussutigisamik aalakoornermik, nammineq pisuussutigisamik ikiaroornartunik aanngajaarniutinilluunniit allanik atuilluni ikiaroornermik, imminut toqoriaraluarnermik pineqaatissiiffiusinnaasunilluunniit iliuuseqarnermik, aammalu taakku kingunerisaannik peqquteqartut
• Paanneqataaneq
• Timersornernut ulorianartunut imaluunniit sulianut ulorianartunut peqataanerup kingunerisai
• Nalinginnaasumik peqquteqartumik toqusoqarnera imaluunniit toqusoqarneranut peqqutaasoq ilisimaneqartinnagu.

Ajoqusernermik nalunaaruteqarniaruit imatut iliussaatit:

Ajoqusernermut nalunaarut uunga nassiunneqassaaq: Sedgwick Leif Hansen, slhskade@slhdk.dk, tassanilu immersugassami pisut ingerlaneri ajoqusernerlu sukumiisumik allaaserineqassapput.