Droninut sillimmasiissutit
|
Sillimmasiisoq |
Namminersorlutik Oqartussat |
|
Sillimmaserneqartoq |
Namminersorlutik Oqartussani immikkoortortaqarfiit, taakkununnga naalakkersuisoqarfiit, sullissiviit suliffeqarfiillu imminnut ingerlattut, kiisalu kikkulluunniit sillimmasiisoq peqatigalugu dronimik, sillimmasiisumit pigineqartumik atuisut ilanngullugit. |
|
Sillimmasiinermi akiliut |
Ajoqusernermut ataatsimut DKK 7.500.000-t |
|
Nammineerluni akiligassat |
DKK 6.000-t |
|
Nunami sumiiffiit |
Nunarsuaq tamakkerlugu, USA/Canada ilanngunnagit |
|
Sillimmasiissutip normua |
GS intern police nr. 2024-01 |
| Sillimmasiinermi piumasaqaatit |
55-05:1 Inuussutissarsiornermut tunisassianullu akisussaaffinnut sillimmasiissut IS1:2 Nunani tamalaani pineqaatissiissutit |
|
Pigisat sillimmaserneqartut |
Taamaallaat droninut, Marsh-imut nalunaarutigineqartunut atuuppoq (tak. matuma kinguliani suliat ingerlasarneri) |
Sillimmasiissut pillugu
Droninut akisussaaffeqarnermut sillimmasiissut Namminersorlutik Oqartussat dronimik timmititsinerannut atatillugu dronimik ingerlatsisutut allat pigisaannik innunnilluunniit ajoqusiiguit matussutigineqassaaq. Sillimmasiissut matussutaasinnaassappat, pisariaqartunik pikkorissarnissaq, akuerinninnernik akuersissutinillu peqarnissaq piumasarineqarpoq.
Sillimmasiissut taamaallaat Namminersorlutik Oqartussani atorfeqaruit matussusiisinnaassaaq. Inuussutissarsiortutut namminersortuuguit, aammalu Namminersorlutik Oqartussat sinnerlugit dronimik timmititsisaruit, illit nammineerlutit droninut akisussaaffeqarnermut sillimmasiissutit atuutissaaq.
Droninut akisussaaffeqarnermut sillimmasiissut taamaallaat piffissamut suliffiusumut matussusiisinnaavoq. Taamaattumik Namminersorlutik Oqartussat droniutaat sunngiffimmi imaluunnit namminerisamik siunertanut atoqqusaanngillat.
Piumasaqaatit allat
Dronit tamarmik annerpaamik tamakkiisumik 10 kg-nik oqimaassuseqassapput.
Droninik pisinermi/tunisinermi suliat ingerlasarneri:
Dronitaaq Namminersorlutik Oqartussat Sillimmaseeriaasianut nalunaarutigineqarpat aatsaat sillimmasersimassaaq. Howden-imut mailimut nanoq@howdendanmark.dk-mut maileruteqarnikkut, dronitaaq tulliuttunik paasissutissalerlugu nalunaarutigineqassaaq:
- Suussuseq qanorlu ittuunera
- Ulloq pisiffik
- Takissuseq, silissuseq, portussuseq oqimaassuserlu
- Saniatigut atortut
Dronimik tunisinermi Howden mail-ikkut nanoq@howdendanmark.dk aqqutigalugu attaveqarfigineqassaaq, ulloq tunisiffiusoq ilisimatitsissutigalugu.
Sillimmasiissummit nalinginnaasumik matussuserneqartarput:
- Inuit allat piinik ajoqusiineq
Sillimmasiissummit matussuserneqartanngillat:
- Sakkortuumik mianersuaalliornerit piaarinerillu
- Dronimi namminermi atortuniluunniit ajoqusernerit
- Illunik, pigisanillu nuunneqarsinnaasunik, Namminersorlutik Oqartussanit pigineqartunik ajoqusiineq
Ajoqusiinermik imaaliorlutit nalunaaruteqassaatit
- Howden-ip ajoqusiinernut nalunaaruteqartarfia Insubiz, link: https://xnet.insubiz.dk, aqqutigalugu nalunaaruteqartoqassaaq
- Insubiz-imik atuisutut nalunaarsorsimanngikkuit mail-imik nanoq@howdendanmark.dk aqqutigalugu, paasissutissanik ukuninnga imalimmik nassiusseqquneqarputit: Naalakkersuisoqarfik, ateq aamma mailadresse. Tamatuma kingorna nalunaaruteqartarfimmut ikkunneqassaatit isissutissannillu nassinneqassallutit.
- Ilitsersorneqarnissaq kissaatigineqarpat, Howden mail nanoq@howdendanmark.dk aqqutigalugu attaveqarfigineqassaaq
Police
Droninut akisussaaffeqarnermut sillimmasiissut
Atuuttoq piffissami 2024