INI All Risk
Sillimmasiisoq |
Namminersorlutik Oqartussat c/o A/S Inissiaatileqatigiiffik INI |
Sillimmasiinermi akiliut |
DKK 5.000.000-t |
Annaasassanut killiliussat |
DKK 5.000.000-t |
Nammineerluni akiligassat |
DKK 250.000-t |
Sillimmasiiffiusup sumiiffia |
Kalaallit Nunaat tamakkerlugu |
Sillimmasiissutip normua |
LP0000004668 (IF) |
Sillimmasiinermi piumasaqaatit | BDK1994:1 All risk-imut sillimmasiissut |
----------------------- |
--------------------------------------------------- |
Pigisat sillimmaserneqartut |
Inissiarsuit/illut tamarmik, taakkununnga pigisat nuunneqarsinnaasut illuutip ingerlanneqarneranut atorneqartut kiisalu ingerlatsinermi annaasat aningaasartuutaanerusullu ilanngullugit. |
Sillimmasiissut pillugu
Sillimmasiissut taanna illunut, “Inissiaatileqatigiiffik INI” aqqutigalugu attartortinneqartunut tamanut atuuppoq. Ingerlatseqatigiiffiup matuma siuliani taaneqartup illuutaani attartortittakkani ajoqusertoqarpat, sillimmasiissutip matuma ataani ajoquserneq nalunaarutigineqassaaq.
Piffissap suliffiusup nalaani illumik ajoqusertoqarneranut atatillugu Namminersorlutik Oqartussat sulisuisa ilaannik ajoqusertoqarpat, tamanna sulinermi ajoqusernertut nalunaarutigineqassaaq. Eqqaamallugu sulisoq pineqartoq nammineerluni piffissaq tamakkerlugu ajutoorsinnaanermut sillimmasiissummik peqaruni, ajoqusertup ajoquserneq aamma tassunga nalunaarutigisussaammagu.
Sillimmasiissummit nalinginnaasumik matussuserneqartarput:
- Avataanit pisut tassanngaannartumillu sunniutillit tamarmik, tassanili killeqartitsisoqarpoq annertusititsisoqartarlunilu
- Isaterinernut sillimmasiissut
- Inisseeqqinnerit nuutsitsinerillu, annaasaqarsinnaanermut sillimmasiissummi siullermi annerpaamik Kr. 5 mio.-t
- Attartortup pequtaanik inissiinermut aningaasartuutit, ajoqusernermut ataatsimut annerpaamik 50.000 koruunit
- Saliinermut aningaasartuutit annerpaamik 5 mio.-t tamatumalu peqatigisaanik annerpaamik aningaasat, If-ip sillimmasiinermi suliami ataatsimi misissortariaqalersinnaasai
- Qerisoornerup kingunerisaanik ajoqusernerit
- Innaallagissami ajoqusikkat – illut
- Illumik piginnittup akisussaaffeqarnera
- Illuni eqqissisimatitani sanaartornermut aningaasartuutit amerlissutai
- Illumi inatsisinik malinnittunngortitsinermi 25%-it, taamaattorli annerpaamik 2 kr. mio.-t
Sillimmasiissummit matussuserneqartanngillat:
- Qamutit assakaasullit motoorillit, radareqarfiit radareqarfinnilu atortut, kiisalu imaatigut silaannakkullu angallatit sillimmasiissummut ilaatinneqanngillat
- Qaartiterinerit (taakkuli qaartiterinernut, Kalaallit Nunaanni Misissueqqaartarfimmit aamma Sanaartornermut Ilinniarfimmit suliarineqartunut matussutissaapput)
- Pinngortitami ajunaarnersuit: Tassaarsuit innermillu anitsisartut anitsineri
- Ajoqusernerit, sillimmasiissutip atuutilernissaa sioqqullugu pisut
- Illuni akuttoqatigiinnik takuniarneqartaratik, paarnaarneqaratik aserfallatsaalineqaratillu qaammatit qulingiluat sinnerlugit atorneqanngitsuni illut pigisallu nuunneqarsinnaasut ajoquserneri
- Init naammattumik kiassarneqannginnerisa kingunerisaanik qerisoornerit
- Sanaartornermi aningaasartuutit amerlissutaat
Ajoqusiinermik imaaliorlutit nalunaaruteqassaatit:
- Marsh-ip ajoqusiinernut nalunaaruteqartarfia Insubiz, link: https://xnet.insubiz.dk, aqqutigalugu nalunaaruteqartoqassaaq
- Insubiz-imut ajoqusernernik nalunaaruteqarnissamut ilitsersuut
- Insubiz-imik atuisutut nalunaarsorsimanngikkuit mail-imik nanoq@marsh.com aqqutigalugu, paasissutissanik ukuninnga imalimmik nassiusseqquneqarputit: Naalakkersuisoqarfik, ateq aamma mailadresse. Tamatuma kingorna nalunaaruteqartarfimmut ikkunneqassaatit isissutissannillu nassinneqassallutit
- Ilitsersorneqarnissaq kissaatigineqarpat, Marsh nanoq@marsh.com aqqutigalugu attaveqarfigineqassaaq
Namminersorlutik Oqartussanit ajoqusernerit suliarinissaannut apeqqutit akissutilluunniit malitseqartinneqartarnissaat pingaaruteqarpoq. Ukiut marluk ingerlaneranni ajoqusernermik nalunaarut naammassillugu suliarineqarsimanngippat, ajoqusernermik suliarinninneq unitsinneqartarpoq suliarlu naammassineqarsimasutut isigineqartarluni. Peqquteqarluni ajoqusernermik suliarinninneq ukiunik marlunnit sivisunerugaangat, ajoquserneq pillugu nalunaarut ingerlatiinnarneqartarpoq.