Suliassat
|
Sillimmasiisoq |
Namminersorlutik Oqartussat |
|
Sillimmaserneqartoq |
Namminersorlutik Oqartussat, taakkununnga Naalakkersuisoqarfiit, Inatsisartut Allattoqarfiat aamma suliffeqarfiit imminnut ingerlattut tamarmik ilaallutik. Tamarmik sanatitsisutut, kiisalu suliassat suliarineqarnerini entreprenørit taakkulu sulititaat sanaqaataasut. Akisussaaffeqarnermut sillimmasiissutinut atatillugu sillimmasiissut entreprenørinut taakkulu sullititaannut matussusiisoqassanngilaq. |
|
Sillimmasiinermi akiliut - All risk |
Suliassami pineqartunut il.il. DKK 100 mio.-t |
|
Sillimmasiinermi akiliut – Suliassamut akisussaaffeqarneq |
DKK 20 mio.-t (Inunnik ajoqusiinermi DKK 10 mio.-t aamma pigisanik ajoqusiinermi DKK 10 mio.-t) |
|
MALUGALUGU |
Suliassani DKK 100 mio.-t sinnerlugit nalilinni aallartinnginnermi Marsh attaveqarfigineqassaaq |
|
Nammineerluni akiligassat |
Pigisanik qanorluunniit ittumik ajoqusiinissamut akisussaaffeqarnermi ajoqusikkat tamarmik DKK 250.000-it |
| Sanaartorneq/ikkussuineq | Qaammatit 48-t |
|
Piffissaq iluarsaassiviusoq |
Qaammatit 12-it |
| Sillimmasiiffiusup sumiiffia | Kalaallit Nunaat aamma Danmark tamakkerlugu sanaartorfiit, kiisalu suliassat sillimmasiisumit uppernarsarneqarsimatillugit sanaartorfinnut nunakkut assartuussinerni. |
| Sillimmasiissutip normua | LP0000045751-16 |
| Sillimmasiinermi piumasaqaatit | 60-83:1 |
|
Suliassat sillimmaserneqartut |
Illunik illunilu atortunik nutaanik sanaartorneq, taakkununnga sanaartugassat atortulersuinerillu, kiisalu iluarsaassinerit, allanngortiterinerit, allilerinerit ikkussuinerpiaallu ilanngullugit. Sapusiat talittarfiillu, nukissiorfiit mittarfiillu. |
Sillimmasiissut pillugu
Sillimmasiissut manna nutaanik sanaartornermut, isaterinernut, iluarsaassinernut assigisaannilluunniit sanaartornernut, Namminersorlutik Oqartussat sanatitsisuuffigisaannut atatillugu ajoqusernernut matussusiisinnaavoq. Sillimmasiissummi illumi namminerpiaq ajoqusiinerit saniatigut aamma sanaartorfimmi tillinniarnernut sulitillunilu ajutoornernut matussusiisinnaavoq.
Matumani suliassaq, allap sanatitsisuuffigisaatut nalunaarsorsimasoq pineqarpat, allap taakkua suliassanut sillimmasiissutaa atorneqassaaq.
Sillimmasiissummit nalinginnaasumik matussuserneqartarput:
- Suliassap tamakkerluni tunniunneqarnissaata tungaanut matussusiisinnaassaaq
- Suliassani ikkussuinernilu tamani matussusiisinnaassaaq, taakkununnga illuni atortunilu nutaani ikuallattoornerit anorersuullu ajoqusigai ilaatinneqarput, aammalu iluarsaassinerit, isaterinerit piiaanerillu ilaatinneqarlutik
- Illut pioreersut
- Attartortup pigisai, inissiamut ataatsimut annerpaamik Kr. 75.000-it
- Annerpaamik kr. 5 mio. nalinginut saliineq
- Nunap ajoqusernera, kbm-imut annerpaamik kr. 10.000-it
- Sanaartorfimmut ilioraaneq
- 30%-imik assiineq
- Suliat ulorianartut, soorlu misileraanerit, simissuinerit, qaartiterinerit, toqqavissanut kuisinerit/qarmaanerit aamma piiaanerit
- Kalaallit Nunaata iluani assartuussinerit
- Kalaallit Nunaanni aamma Danmarkimi sanaartorfiit avataannut ilioraanerit
- Qalissialiornerit, qalissialigassat annerpaamik 100 kvm-it, piffissap suliffiup avataaani isumannaatsumik qallerneqartartunik
Sillimmasiissummit matussuserneqartanngillat:
- Illuni pioreersuni ikuallattoornerit anorersuarmillu ajoqusernerit matussuserneqartanngillat
- Suliat ulorianartut, soorlu: Sulluliornerit, nunap iluani imermik appartitsinerit, aatsitassarsiorfiit, qulimiguulinnik ikkussukkat, avataasiorfiusuni suliassat
- Seerisoornerit, atortut mingutsinneqarsimasut, taratsut, pujoralaat imaluunniit atortunit qillikkanit/salitanit akuutissat imaluunniit akoorutissanik qillerinermi/saliinermi kuuffigineqarnerini piiakkat kingunerisaannik mingutsitsineq
- Toqqaannanngitsumik annaasat suulluunniit
- Pujoralaat, asbestit, PCB-t, Aqerlut, Qalipaatit aqerlumik akullit imaluunniit atortut avatangiisinut ulorianaatillit assingusut
Ajoqusiinermik imaaliorlutit nalunaaruteqassaatit:
- Howden-ip ajoqusiinernut nalunaaruteqartarfia Insubiz, link: https://xnet.insubiz.dk, aqqutigalugu nalunaaruteqartoqassaaq
- Insubiz-imik atuisutut nalunaarsorsimanngikkuit mail-imik nanoq@howdendanmark.dk aqqutigalugu, paasissutissanik ukuninnga imalimmik nassiusseqquneqarputit: Naalakkersuisoqarfik, ateq aamma mailadresse. Tamatuma kingorna nalunaaruteqartarfimmut ikkunneqassaatit isissutissannillu nassinneqassallutit.
- Ilitsersorneqarnissaq kissaatigineqarpat Howden-imi tlf.: nanoq@howdendanmark.dk -mut attaveqarfigineqassaaq.
Police
Suliassanut sillimmasiissut
Atuuttoq piffissami 2024