Sillimmat.gl Namminersorlutik Oqartussat sillimmasiissutinut nittartagaraat, sillimmasiissutit suut Namminersorlutik Oqartussani atorfilinnut aamma Kalaallit Nunaanni Kalaallillu Nunaata avataani ilinniartunut tamanut atuunnersut pillugu paasissutissiiffiusoq. Sillimmat.gl sillimmasiissutit, Namminersorlutik Oqartussat sillimmasiisarnerannut ilaasut pillugit paasissutissiiffiuvoq.

Ineqarnermut Attaveqaasersuutinullu Naalakkersuisoqarfik Namminersorlutik Oqartussanut sillimmasiissutit aqunneqarnerinik isumaginnittuuvoq. Namminersorlutik Oqartussat sillimmasiisarnermut aaqqissuussineranut sillimmasiissutit ataatsimoorussat arlallit, Namminersorlutik Oqartussani immikkoortortaqarfinnut, taakkununngalu ilanngullugit naalakkersuisoqarfinnut, aqutsisoqarfinnut, suliffeqarfinnut namminersortitanut taakkulu ataanni sullissivinnut, kiisalu Kalaallit Nunaata nunani allani aallartitaqarfiinut tamanut tunngasut ilaatinneqarput.

Sillimmat.gl Namminersorlutik Oqartussat immikkoortortaqarfiini sillimmasiissutinut quppersakkatut atorneqarpoq, taannalu Namminersorlutik Oqartussat sillimmasiisarnermi aaqqissuussineri assigiinngitsut tamarmiusut pillugit paasissutissanik, kiisalu aaqqissuussinerit assigiinngitsut ataanni ajoqusernernik nalunaaruteqartarnermut ilitsersuutinik imaqarpoq.

Namminersorlutik Oqartussat suliffeqarfimmut, sillimmasiisarnermi akunnermuliuttumut, Namminersorlutik Oqartussat immikkoortortaqarfiinit ajoqusernernik nalunaarutinik suliaqarnermik isumagisaqartumut isumaqatigiissuteqarput. Ajoqusernermik nalunaaruteqartoqartillugu, nalunaarut sillimmasiisarnermi aaqqissuussinerup, ajoqusernerup nalunaarutigineqarfiata ataani ajoqusernernik suliaqartartunit suliarineqartarpoq.