Qamutinik assakaasulinnik nutaanik pisinermi suliat ingerlasarneri:

• SILLIMMASIINISSAMUT UPPERNARSAAT immersorneqassaaq
• Qamutit assakaasullit NALUNAARSORNISSAANNUT imaluunniit NALUNAARSORNERISA ALLANNGORTINNISSAANNUT nalunaarut immersorneqassaaq
• Motoorinut akitsuut Namminersorlutik Oqartussanut/Akileraartarnermut Aqutsisoqarfimmut akilerneqassaaq (akiliinissaq pillugu apeqqutissaqartoqarpat Akileraartarnermut Aqutsisoqarfimmut saaffiginnittoqassaaq)
• Sillimmasiinermut uppernarsaat immersugaq, Nalunaarsuinissamut Nalunaarut kiisalu motoorinut akitsuutip akilerneqarneranut uppernarsaat politiinut nalunaarsugassanngorlugit nassarneqassapput, tamatumalu kingorna nalunaarsuinermut uppernarsaat politiinit pissarsiarineqassaaq
• Nalunaarsuinermut uppernarsaatip assilinera nanoq@marsh.com aqqutigalugu nassiunneqassaaq. Marsh ilisimatinneqarsimatinnagu qamutit assakaasullit sillimmasiissutinut ILAATINNEQARSINNAANNGILLAT.
• Qamutinik assakaasulinnik nalunaarsorsimanngitsunik pisinermi qamutit assakaasullit meqqii, qanoq ittuuneri aamma stelnormui, kiisalu ulloq pisiffiusoq pillugit nalunaarut nanoq@marsh.com aqqutigalugu nassiunneqassaaq

Qamutit assakaasullit, soorlu tunisat igitassalluunniit nalunaarsorneqarnerisa peerneqartarnerini suliat ingerlasarneri:

• Qamutit assakaasullit nalunaarsorneqanngitsut – Meqqia, qanoq ittuuneri aamma stelnormua, kiisalu ulloq tunisiffik/igitsivik pillugit nalunaarut nanoq@marsh.com aqqutigalugu nassiunneqassaaq
• Qamutit assakaasullit nalunaarsorsimasut – Nummerpladit politiinut tunniunneqassapput atorunnaartutullu nalunaarutigineqassallutik. Nalunaaruteqarnermut uppernarsaat politiinit pissarsiarineqarpat assilinera nanoq@marsh.com aqqutigalugu nassiunneqassaaq. Taamaanngippat sillimmasiinermut akiliutip akilerneqartarnera ingerlaannassaaq.

Droninik pisinermi/tunisinermi suliat ingerlasarneri:

Droni nutaaq pissarsiarineqartoq sillimmaserneqassappat, taassuma nalunaarutigineqarsimanissaa pingaaruteqarpoq. Mail-imik nanoq@marsh.com aqqutigalugu paasissutissanik ukuninnga ilallugu Marsh-imut nassiussinikkut tamanna pissaaq

• Suussuseq qanorlu ittuunera
• Ulloq pisiffik
• Takissuseq, silissuseq, portussuseq oqimaassuserlu 
• Saniatigut atortut

Dronimik tunisinermi Marsh mail-ikkut nanoq@marsh.com aqqutigalugu attaveqarfigineqassaaq, ulloq tunisiffiusoq ilisimatitsissutigalugu.

Angallatinik pisinermi/tunisinermi suliat ingerlasarneri:

Angallat nutaamik pissarsiarineqartoq sillimmaserneqassappat, taassuma nalunaarutigineqarsimanissaa pingaaruteqarpoq. Mail-imik nanoq@marsh.com aqqutigalugu paasissutissanik ukuninnga ilallugu Marsh-imut nassiussinikkut tamanna pissaaq: 

• Ateq/meqqeq qanorlu ittuunera 
• Ulloq pisiffik
• Niuerutigineqarnermini nalinga, atortut, soorlu motoori ilanngullugit
• Saniatigut atortussaasinnaasut

Angallammik tunisinermi Marsh mail-ikkut nanoq@marsh.com aqqutigalugu attaveqarfigineqassaaq, ulloq tunisiffiusoq ilisimatitsissutigalugu.

Sillimmasiissutit ataasiakkaat ataanni ilitsersuut takuuk.