Angallatinut sillimmasiissutit

Sillimmasiissut pillugu

Angallatinut sillimmasiissutip angallatit Namminersorlutik Oqartussanit pigineqartut, Marsh-imullu nalunaarutigineqarsimasut tamaasa matussuserpai. Angallatit pineqartillugit umiatsiat, gummibådillu suulluunniit Namminersorlutik Oqartussanit pigineqartut pineqarput.

Angallatit 5 mio. koruunit ataallugit naleqartut tamaasa, nammineq sillimmateqartinniarlugit Namminersorlutik Oqartussat aajangernikuupput. Angallat 5 mio. koruunit sinnerlugit naleqarpat, angallat IF forsikring-imi sillimmasersimassaaq. Sanna aamma Tarajoq immikkut imarsiornermut sillimmasiissuteqartinneqartut pineqarput.

Namminersorlutik Oqartussat, Nukissiorfiit, Pinngortitaleriffiup aamma GFLK-p angallataat 5 mio. koruunit ataallugit naleqartut, Namminersorlutik Oqartussat nammineq sillimmateqartitsinerinut ilaapput.

ANGALLAVIIT ISUMANNAALLISAANERMILU ILIUUSERISAT:

Sillimmasiissut angallaviup, angallammut akuersissummut, angissutsimut, piginnaasaqarnermut inuttaqarnermullu angallavigineqarsinnaasup angallavioqqusaasumullu naapertuuttup iluani angalanermut matussusiisinnaavoq.

Matussusiisinnaaneq aamma angallatip nunamiinneranut, kiisalu qaqinneqarneranut, assartorneqarneranut aqqarneqarneranullu, tassungalu ilanngullugu angallatip amuteqqaneranut amutsivimmiinneranullu atuuppoq.

Sillimmasiissut aamma angallat sullissiviup aquttua nalinginnaasoq aquttoralugu attartortinneqarpat matussusiisinnaavoq.

Sillimmasiiffigineqartumut angallatillu aquttuanut peqqussutigineqarpoq, angallatip angalanerani sikup aqqusaarneqarnissaa pinngitsoorneqarsinnaatinnagu sapinngisamik annertunerpaamik mianersortoqassasoq.

Sillimmasiiffigineqartup aquttullu angallatip sukkulluunniit pitsaasuunissaa imarsiutikkuminarnissaalu isumagissavaat.

Piffissaq angallaviusussaq ukiumut ilivitsumut aalajangerneqarpoq – aalajangersakkat matuma siuliani allassimasut akisussaassuseqartumik eqqarsaatigineqassallutik.

ISUMANNAALLISAANISSAMUT PEQQUSSUTIT – MOTOORIP SAKKORTUSSUSIA:

Angallatip motooriata angallatip angissusianut aammalu angallasiortup innersuussutaanut naapertuuttumik sakkortussuseqarnissaa piginnittup akisussaaffigaa.

Isumannaallisaanissamut peqqussut taanna malinneqarsimanngippat, If-ip akisussaaffia appartinneqarsinnaavoq peerluinnarneqarsinnaallunilu, tak. Pilersaarummi § 3-25.

Angallatinik pisinermi/tunisinermi suliat ingerlasarneri:

Angallat nutaamik pissarsiarineqartoqsillimmaserneqassappat, taassuma nalunaarutigineqarsimanissaa pingaaruteqarpoq. Mail-imik nanoq@marsh.com aqqutigalugu paasissutissanik ukuninnga ilallugu Marsh-imut nassiussinikkut tamanna pissaaq: 

• Ateq/meqqi qanorlu ittuunera 
• Ulloq pisiffik 
• Niuerutigineqarnermini nalinga, atortut, soorlu motoori ilanngullugit 
• Saniatigut atortut

Angallammik tunisinermi Marsh mail-ikkut nanoq@marsh.com aqqutigalugu attaveqarfigineqassaaq, ulloq tunisiffiusoq ilisimatitsissutigalugu.

Sillimmasiissummit nalinginnaasumik matussuserneqartarput:

• Angallatip motoorianut sillimmasiissut – maskiinanut matussutissaq killilik – ilanngaatit aamma nammineerluni akiligassat
• Tamanik annaasaqarneq
• Kalitsinnermut aningaasartuutit
• Apornermi akisussaaffiit
• Umiarsuaatilinnut akisussaaffiit
• Sikusiornermi ajoqusikkat

Sillimmasiissummit matussuserneqartanngillat: 

• Atortut angallammiinngitsut annaaneqarneri ajoquserneqarneriluunniit

Ajoqusiinermik imaaliorlutit nalunaaruteqassaatit:

• Marsh-ip ajoqusiinernut nalunaaruteqartarfia Insubiz, link: https://xnet.insubiz.dk, aqqutigalugu nalunaaruteqartoqassaaq
• Insubiz-imik atuisutut nalunaarsorsimanngikkuit mail-imik nanoq@marsh.com aqqutigalugu, paasissutissanik ukuninnga imalimmik nassiusseqquneqarputit: Naalakkersuisoqarfik, ateq aamma mailadresse. Tamatuma kingorna nalunaaruteqartarfimmut ikkunneqassaatit isissutissannillu nassinneqassallutit.

Ilitsersorneqarnissaq kissaatigineqarpat, Marsh tlf.: +45 4595 4626-mut imaluunniit mail nanoq@marsh.com aqqutigalugu attaveqarfigineqassaaq.