Qamutit assakaasullit motoorillit

Sillimmasiisoq	Sillimmasiissummi piginnittoq aamma kinaluunniit unioqqutitsinngitsumik akuerineqarluni qamutinik assakaasulinnik atuisoq, atukkiisoq nammineerluniluunniit aquttuusoq matussusiivigineqarsinnaavoq.
Sillimmasiinermi akiliut	Iluarsaassinermut imaluunniit biilimik assingusumik pisinermut aningaasartuutit
Nunami sumiiffik	Sillimmasiissummi Danmarkimi aamma Kalaallit Nunaanni, kiisalu nunani kortinut qorsorpaluttunut aaqqissuussinernut ilaasunut matussusiisoqartarpoq.
Nammineerluni akiligassat	DKK 5.000
Suliffeqarfiup iluani Sillimmasiissutip normua	2017-02
-----------------------	----------------------------------------------------------------------
Matussusiiffiusinnaasut immikkoortiterneri	Qamutit assakaasullit nalunaarsorsimasut – Akisussaaffeqarneq motoorillu (inuinnaat biilii, lastbiilit assigisaallu) Sulinermut maskiinat (nalunaarsorsimasut nalunaarsorsimanngitsullu) – Akisussaaffeqarneq Qamuteralaat - Akisussaaffeqarneq Motorcykelit knallertillu – Akisussaaffeqarneq

Sillimmasiissut pillugu

Sillimmasiissut manna nunami qamutinut assakaasulinnut, Namminersorlutik Oqartussanit pigineqartunut tamanut matussusiisinnaavoq. Nunami qamutit assakaasullit qanorluunniit ittut, nunami, tassungalu ilanngullugu apummi sikumilu angalasut tamarmik.

Matumani qamutit assakaasullit allat, nunami angalanngitsut, soorlu umiatsiat pineqarpata, ajoquserneq ”Angallatinut sillimmasiissut”-ip ataani nalunaarutigissavat.

Matumani qamutit assakaasullit motoorillit pineqartillugit matussutaasinnaasut assigiinngitsut marluupput: akisussaaffeqarnermut matussusiineq aamma motoorilinnut sillimmasiissut

Akisussaaffeqarnermut sillimmasiissut qamutit assakaasullit atorlugit allat pigisaannik kiisalu inunnik ajoqusiiguit matussusiissaaq. Kisiannili Motoorilinnut sillimmasiissut ajutoornermi qamutit assakaasullit nammineq pigisat ajoquserpata matussusiissaaq. Illuatungeqarluni ajutoortoqarpat, sillimmasiisarfiit namminneerlutik angallannermut inatsit naapertorlugu akisussaaffik inississavaat.

Qamutinik assakaasulinnik motoorilinnik qanorluunniit ittunik ajoqusertoqaraluarpat, tamatigut eqqortunik uppernarsaatissaqarnissaq pingaaruteqarpoq. Ilinnut ajornartinnagu ajutoorfimmi assiliinissat tamatigut isumagisaruk. Assiliilluarnermi qamutit assakaasullit ingerlatatit immaqalu illuatungerpit ingerlatai takuneqarsinnaassapput, taamaalillunilu qamutit assakaasullit suminngaanneernersut takuneqarsinnaassalluni.

Ajutoortoqarneranut atatillugu inunnik ajoqusertoqarsimappat, ajoqusernerlu sulinerup nalaani pisimappat ajoqusernerup ”Sulitilluni ajutoorneq”-up ataani nalunaarutiginissaa, kiisalu illit nammineerlutit piffissaq tamakkerlugu ajutoorsinnaanermut sillimmasiissutit pillugu nammineerlutit sillimmasiisarfimmut saaffiginninnissat eqqaamajuk.

Qamutit assakaasullit nalunaarsornerisa peerneqarnerat

Ajoqusernerup imaluunniit ajutoornerup nalunaarutiginera

Qamutinik assakaasulinnik pisinermi/tunisinermi suliat ingerlasarneri:

Namminersorlutik Oqartussat namminneerlutik qamutinut assakaasulinnut motoorilinnut sillimmasiissutaanni qamutit assakaasullit, Namminersorlutik Oqartussanit pigineqartut tamarmik pineqarput, taamaattumillu Marsh ilisimatinneqarsimatinnagu qamutit assakaasullit sillimmasiissutinut ILAATINNEQARSINNAANNGILLAT.

Qamutinik assakaasulinnik pisinermi suliat ingerlasarneri:

SILLIMMASIINISSAMUT UPPERNARSAAT immersorneqassaaq
Qamutit assakaasullit NALUNAARSORNISSAANNUT imaluunniit NALUNAARSORNERISA ALLANNGORTINNISSAANNUT nalunaarut immersorneqassaaq
Motoorinut akitsuut Namminersorlutik Oqartussanut/Akileraartarnermut Aqutsisoqarfimmut akilerneqassaaq (akiliinissaq pillugu apeqqutissaqartoqarpat Akileraartarnermut Aqutsisoqarfimmut saaffiginnittoqassaaq)
Sillimmasiinermut uppernarsaat immersugaq, Nalunaarsuinissamut Nalunaarut kiisalu motoorinut akitsuutip akilerneqarneranut uppernarsaat politiinut nalunaarsugassanngorlugit nassarneqassapput, tamatumalu kingorna nalunaarsuinermut uppernarsaat politiinit pissarsiarineqassaaq
Nalunaarsuinermut uppernarsaatip assilinera nanoq@marsh.com aqqutigalugu nassiunneqassaaq. Marsh ilisimatinneqarsimatinnagu qamutit assakaasullit sillimmasiissutinut ILAATINNEQARSINNAANNGILLAT.
Qamutinik assakaasulinnik nalunaarsorsimanngitsunik pisinermi qamutit assakaasullit meqqii, qanoq ittuuneri aamma stelnormui, kiisalu ulloq pisiffiusoq pillugit nalunaarut nanoq@marsh.com aqqutigalugu nassiunneqassaaq

Qamutit assakaasullit, soorlu tunisat igitassalluunniit nalunaarsorneqarnerisa peerneqartarnerini suliat ingerlasarneri:

Qamutit assakaasullit nalunaarsorneqanngitsut – Meqqia, qanoq ittuuneri aamma stelnormua, kiisalu ulloq tunisiffik/igitsivik pillugit nalunaarut nanoq@marsh.com aqqutigalugu nassiunneqassaaq
Qamutit assakaasullit nalunaarsorsimasut – Nummerpladit politiinut tunniunneqassapput atorunnaartutullu nalunaarutigineqassallutik. Nalunaaruteqarnermut uppernarsaat politiinit pissarsiarineqarpat assilinera nanoq@marsh.com aqqutigalugu nassiunneqassaaq. Taamaanngippat sillimmasiinermut akiliutip akilerneqartarnera ingerlaannassaaq.

Sillimmasiissummit nalinginnaasumik matussuserneqartarput:

Motoorit ajoquserneri: Taanna qamutit assakaasullit sillimmaserneqarsimasut angalatillutik ajutoornerini ajoqusikkanut tunngasuuvoq – singarnerit, kigarnerit, igalaat aserukkat il.il.
Akisussaaffeqarnermi ajoqusikkat: Taanna qamutinut assakaasulinnik inuup allap pigisaanik, inummik pigisanilluunniit (soorlu allagartat illulluunniit) ajoqusiinermut tunngasuuvoq

Sillimmasiissummit matussuserneqartanngillat:

Qamutit assakaasullit maskiinaani ajoqusiinerit, angalatilluni ajutoornernik peqquteqanngitsut matussuserneqartanngillat – taakkununnga qamutini assakaasulinni nungullarnerit nalinginnaasut ilaapput.
Qamutit assakaasullit soorlu sannavimmut tunniunneqarsimasut ajoquserneri.

Ajoqusiinermik imaaliorlutit nalunaaruteqassaatit:

Biilit igalaavi ajoqusersimappata biilit biilinut iluarsartuussisarfimmukaanneqassapput tassani igalaaq suliarineqanngikkuni taarserneqassaaq. Biilinut iluarsartuussisarfiup akiligassaq uunga motorskade@slhdk.dk.-mut nassiutissavaa.
Motoorini ajoqusernerit motorskader@slhdk.dk aqqutigalugu nalunaarutigineqassapput, ajoqusernermut nalunaarummik immersorsimasumik ilaqartillugu
SLHDK-mut attaveqateqarnerit motorskader@slhdk.dk aqqutigalugu nassiunneqartassapput
Ajoqusiinerit pilersuisuutitamit isumagineqassapput, kisiannili attaveqarnerni pingaarnerni SLHDK aqqutigineqartassaaq
Akinik aalajangersaasartoq: GF Forsikring, SLHDK aqqutigalugu imaluunniit mail-ikkut motorskader@slhdk.dk imaluunniit oqarasuaat + 45 4485 8688 aqqutigalugu inniminnerneqassaaq

Namminersorlutik Oqartussanit ajoqusernerit suliarinissaannut apeqqutit akissutilluunniit malitseqartinneqartarnissaat pingaaruteqarpoq. Ukiut marluk ingerlaneranni ajoqusernermik nalunaarut naammassillugu suliarineqarsimanngippat, ajoqusernermik suliarinninneq unitsinneqartarpoq suliarlu naammassineqarsimasutut isigineqartarluni. Peqquteqarluni ajoqusernermik suliarinninneq ukiunik marlunnit sivisunerugaangat, ajoquserneq pillugu nalunaarut ingerlatiinnarneqartarpoq.